കൂട്ടരേ.. ഒന്ന് ലൈക്കീട്ടു പോകൂ...

Monday, February 18, 2013

കഥാവശേഷന്‍

"For the shame of being alive" - കഥാവശേഷന്‍

ജീവിച്ചിരിക്കാനുള്ള നാണക്കേട് കൊണ്ടാണ് ഗോപിനാഥ മേനോന്‍ ഇത്തരമൊരു കുറിപ്പ് എഴുതി വെച്ച് ആത്മഹത്യ ചെയ്യുന്നത്... അത്രമേല്‍ തല ചെടിപ്പിക്കുന്ന കാഴ്ചകളാണ് ഓരോ ദിവസം നമ്മള്‍ കണ്ടു കൊണ്ടിരിക്കുന്നത്....

ടി.വി. ചന്ദ്രന്റെ "കഥാവശേഷന്‍ " എന്ന സിനിമ അതിന്റെ മികച്ച അവതരണരീതി കൊണ്ടും സാമൂഹികപ്രസക്തി കൊണ്ടും ഏറെ ശ്രദ്ധിക്കപ്പെട്ട സിനിമയായിരുന്നു. കഥാവശേഷനായ നായകന്റെ പൂര്‍വ്വകാല കഥകള്‍ അന്വേഷിച്ചു പോകുന്ന അയാളുടെ പ്രതിശ്രുതവധുവിലൂടെയാണ് കഥ നീങ്ങുന്നത്.... അയാളുടെ സുഹൃത്തുകളില്‍ നിന്നും പരിചയക്കാരില്‍ നിന്നും കിട്ടുന്ന വിവരങ്ങള്‍ ചേര്‍ത്തു വെച്ച് നമുക്ക് ഗോപിനാഥമേനോന്റെ ജീവിതത്തിന്റെ രേഖാചിത്രം വരച്ചു തീര്‍ക്കാനാവും.... അയാളുടെ ആത്മഹത്യയ്ക്ക് കാരണം തിരയുകയാണ് രേണുകയോടൊപ്പം പ്രേക്ഷകരും...

കലാപങ്ങളിലും മറ്റു അക്രമങ്ങളിലും പെട്ട് മാനവും ജീവനും ജീവിതവും നഷ്ടപ്പെടുന്ന സ്ത്രീകള്‍ / മനുഷ്യരുടെ ദൈന്യതയിലേക്കാണ് സിനിമ ഒടുവില്‍ ചെന്നെത്തുന്നത്.... ആ ദുരന്തങ്ങളുടെ ഉത്തരവാദിത്വം സ്വയം ഏറ്റെടുത്ത വണ്ണം അയാള്‍ ഈ ലോകത്തില്‍ ജീവിച്ചിരിക്കാന്‍ അര്‍ഹനല്ലെന്ന് കണ്ടു ജീവിതം അവസാനിപ്പിക്കുകയാണ് ഒടുവില്‍ ...

ഇതിലെ ബംഗാളി പെണ്‍കുട്ടി പാടുന്ന ഹിന്ദി പാട്ടാണ് കഴിഞ്ഞ രാവ് മുതല്‍ എന്നെ വിടാതെ പിന്തുടരുന്നത്....
അവള്‍ പാടുന്നു... മുറിവേറ്റവരുടെ ഈണത്തില്‍ ....

"ഇവിടെ മരണത്തിന്റെ നിഴലുകള്‍ മാത്രം
ഈ ലോകത്തിലെങ്ങും അന്ധകാരം മാത്രം
ഈ ലോകം എന്റെ ലോകമല്ല
ഈ ലോകം എന്റെ ലോകമല്ല...."


No comments:

Post a Comment