ചില സിനിമകള്‍ ഇങ്ങനെയാണ്... പിടി തരാതെ തുടരും....
CITY OF GOD ഇറങ്ങിയ നാളില്‍ തീയറ്ററില്‍ പോയി കാണാനിരിക്കുമ്പോള്‍ എന്റെ നല്ലവരായ സുഹൃത്തുക്കള്‍ നിര്‍ബന്ധിച്ചത് കൊണ്ട് ഈ പടം ഒഴിവാക്കി multiplexന്റെ സുഖിമയില്‍ ചൈനാ ടൌണ്‍ എന്ന തലവേദന കാണാന്‍ പോവേണ്ടി വന്നു... (അശോക വന്നതില്‍ പിന്നെ ശ്രീകാളീശ്വരി തീയറ്ററിന് ക്ലാസ്സ്‌ പോരെന്നായിരിക്കുന്നു കൊടുങ്ങല്ലുരത്തെ പിള്ളാര്‍ക്ക്... ഹും !!! )
ഇന്ന് കൈരളി ടി.വിയില്‍ CITY OF GOD വന്നപ്പോഴും കാണുവാന്‍ കഴിയാതെ പോകുന്നു. ഭക്ഷണം കഴിക്കുന്ന അല്‍പ്പനേരമല്ലാതെ ടി.വി കാഴ്ചകള്‍ അന്യമായിട്ടു വര്‍ഷങ്ങളായിരിക്കുന്നു.. പരസ്യങ്ങളുടെ മടുപ്പിക്കുന്ന ഇടവേളകള്‍ കാഴ്ചകളെ പിന്നോട്ട് വലിക്കുന്നത് കൊണ്ടോ എന്തോ.. ഒരു മുഴുനീള സിനിമയൊക്കെ ടി.വി.യില്‍ കണ്ടിരിക്കാന്‍ ഇന്നത്തെ അവസ്ഥയില്‍ മനസ്സു പിടി തരുന്നില്ലാ... :(
കണ്ട പത്തു നിമിഷങ്ങള്‍ കൊണ്ടു തന്നെ മികച്ചതെന്ന് തോന്നിയ പുത്തന്‍ അവതരണരീതി.. പല കഥാപാത്രങ്ങളുടെ ജീവിതം ഇടകലര്‍ത്തിയും ഇഴയടര്‍ത്തിയും ചടുലമായ ചിത്രസംയോജനം കൊണ്ടു ത്രസിപ്പിക്കുന്ന കാഴ്ച തരുമ്പോള്‍ തന്നെയും, ഒരു ശോകതാളം സിനിമയിലുടനീളം ഉണ്ടെന്നു തോന്നുന്നു.... ഋതുവിന് ശേഷം റീമയുടെ ഒരു റോള്‍ മനസ്സില്‍ നിറഞ്ഞു നില്‍ക്കുന്നത് ഇതാവും....
( ഈ സിനിമ എന്നെങ്കിലും പൂര്‍ണ്ണമായി കാണാന്‍ സാധിച്ചാല്‍ ബാക്കി എഴുതാം... മുഴുവന്‍ കണ്ടു കഴിയുമ്പോള്‍ ഇപ്പൊ ഉള്ള നല്ല അഭിപ്രായം മാറ്റേണ്ടി വരുമോ എന്തോ... ഇന്റര്‍വല്ലിനു ശേഷം "ഓഡിനറി" കണ്ട ആരും ഇങ്ങനെ സംശയിച്ചേക്കും... )
No comments:
Post a Comment